ரெட்வுட் சொல்லும் க(வி)தை

ஓங்கி உய‌ர்ந்த‌ காடு
அங்கே எங்க‌ள் வாழ்வு

சுற்றுலாத் த‌ல‌மாகும் காடு
ரெட்வுட் எங்க‌ள் பேரு

-----

நீண்டு வளர்ந்து,
நீண்ட காலமும் வ‌ள‌ரும்,

எம்மைப் பாரீர்
எம்கதை கேளீர்.

ஈராயிர‌ம் ஆண்டுக‌ளுக்கும் மேல்
எவற்றிலும் எமைக் காத்து,

முன்னூறு அடிவ‌ரைக்கும்
வான் முட்டி வ‌ள‌ர்வேன்.

பூமியில் என் பாத‌ம்,
ப‌ற்றி சுற்றி வ‌ந்து‌

சிற‌கெனக் கை பிடிக்க‌,
ப‌ற்றாது இருப‌த்தி ஐவ‌ர் !

வான் முட்டும் நானும்,
வ‌ந்த‌தொரு சிறு வித்தில்.

எமைப் போன்ற‌ சில‌ரும்
வ‌ந்த‌தெல்லாம் சிறு வித்தே !

சின்னஞ்சிறு செடி வேரும்
மண்ணைத் துளைக்கும் ப‌ல‌ தூர‌ம்,

எந்த‌ன் வேரின் ஆழ‌ம்
எத்தனை அடி அறிவீரோ ?!

ஆற‌டி ப‌ண்ணிர‌ண்டுக்கு உள்ளான,
ஆழ‌ம் தானிருக்கும் !

ஆழ‌ச் சென்றால் த‌னித்துவிடலாம்
என்றெண்ணி, பட‌ர்ந்திருக்கும்.

ம‌ண்ணில் சிலஅடி ஆழ‌த்தில்,
ப‌ட‌ர்ந்து ம‌ட்டும் இல்லாமல்,

ம‌ற்ற ம‌ர‌ வேர்க‌ளுட‌ன்
பின்னிப் பிணைந்து மிருக்கும்.

-----

சூறைக் காற்றின்
சீற்ற‌ம் தாங்கி,

காட்டுத் தீயின்
தாக்குத‌ல் காத்து,

இயற்கை சீற்ற‌ம்
எல்லாம் பொறுத்து,

நீண்டு நிற்க‌
என்றும் கார‌ண‌ம் ...

ம‌ண்ணில் ப‌ட‌ர்ந்து
ஒன்று பட்டு

எதையும் தாங்கும்
பின்னிய வேரே !