உதிரம் இருக்கும்வரை உன்னை மறவேனே

க‌ழுத்தில் உருள் கருக‌ மணி
காதில் ஆடும் பொன் கம்மல்

கரம் குலுங்கும் கை வளை
விர‌ல் ந‌க‌த்தின் வர்ண இழை

இடை நீளும் கருங் கூந்தல்
அதில் வ‌ள‌ர் குண்டு ம‌ல்லி

முத்த‌ மிடும் சிறு பிள்ளை
மார் தழுவும் சில புத்தகங்கள்.

இமை மூடி இவ்வுலகை
இனிதாய் ரசித்திடவே !

இவற்றில் நானொன்றாய்
இருந்திடக் கூடாதா ?

இவையெல்லாம் சிறுபொழுதே
இனிமேலும் எண்ணாதே

என்னோடு எப்பொழுதும்
இவ்வாறிரு என்றாயே !

விழி காக்கும் இமை முடியாய்
விழும் கன்னச் சிறு குழியாய்

பட படக்கும் கரு விழியாய்
பச் சரிசிப் பல் அழகாய்

இளஞ் சிவப்புச் செந் நாவாய்
இனிக்கும் தேன் செவ் விதழாய்

முத்து உருளும் மணிக் கழுத்தாய்
முழுதும் அலங்கரித்த பொன் உடலாய்

உன்னிலே என்னை
உள்ளுள் சேர்த்தாயே

உதிரம் இருக்கும்வரை
உன்னை மறவேனே !