பழமொழி வலைமொழி

எவ்வளவோ மாற்றங்கள் உலகில் ஏற்பட்டாலும், இன்னும் நமக்கெல்லாம் 'பாட்டி வடை சுட்ட கதை' ஞாபகம் இருக்கிறதல்லவா !!! எல்லாம் செவி வழி, அம்மா, அப்பா, பாட்டி, தாத்தா, அக்கா, மாமா, இப்படி மக்களோடு நெருங்கிப் பழகியதால் சட்டென்று நம்மனதில் ஒட்டிக் கொண்டவை.

இன்று நிலைமை அப்படியா ? ஊருக்கு ஓர் மூலையில், அல்லது பல நாடுகளில், என குடும்பக் கட்டமைப்பே பிளவுண்டு வாழ்கிறோம். "கூகளே கடவுள் தேடலே வாழ்க்கை" என்றும் மனிதருடன் சகவாசத்தைக் குறைத்துக் கொண்டோம்.

ஆங்க் ... மேலே குறிப்பிட்ட பாட்டி கதை மாதிரி, பழமொழிகளும் இன்று வரை ஜீவனோடு நம்முடன் பயணிக்கிறது. இவையும் செவிவழிப் பரவிய ஜீவன்களே. "சுறுங்கக் கூறின் விளங்கப் பெறும்" என்பது பழமொழிகளுக்கே பொருந்தும் பழமொழி. குட்டிக் குட்டியா ஒற்றை வரிகளில், அப்படியே இலகுவாக நம் மனதில் ஏறி அமர்ந்து கொள்ளும் அவை.

சரி, அப்படிப் பட்ட பழமொழிகளை, நம் வலைப்பூவோடு, பதிவரோடு, பதிவுகளோடு, பின்னூட்டங்களோடு பொறுத்திப் பார்ப்போமே ! என் மனதில் தோன்றிய சில வலைமொழிகள்.

போட்டா மொக்கை, இலேன்னா பின்னூட்டம்.
வரும் சிறு பின்னூட்டமும், அடுத்த பதிவிற்கு உதவும்.
போட்டால் (தான்) கிடைக்கும் பின்னூட்ட‌ம்.

பதியாட்டி கும்மி பதிஞ்சா மொக்கை.
மொக்கை பதிவு போட்டாலும் தனித் தளம் வேண்டும்.
பதிவு சிறுத்தாலும் மொக்கை குறையாது.

பதிவருக்குத் தன் பதிவு பொன் பதிவு.
கருத்துள்ள போதே இடுகை இடு.
மக்கா, நமக்கு மொக்கையும் ஆயுத‌ம் !

எனக்குத் தெரிஞ்ச அளவிற்கு சுமாரா எழுதியிருக்கிறேன். நம் வலைப்பதிவர்களின் திறமையை நான் சொல்லித் தெரிய வேண்டுமா ? எவ்வளவோ க்ரியேடிவிட்டி அவங்க மனசுக்குள்ள, அத்தனையும் பதிவுகளாய், பின்னூட்டங்களாய் பார்த்து, படித்து ரசிக்கிறோமே ! அதனால, இதை ஒரு தொடராத் தொடரலாம் என்று தோன்ற, எனக்குத் தெரிந்த ஒரு நாலு பேரை அழைக்கிறேன்.

அவர்கள் நால்வரையும் ஒரு பதிவு போட்டு, அவங்க ஒரு நாலு பேரை அழைத்து, தொடரைத் தொடருமாறு கேட்டுக் கொள்கிறேன். நல்லது கெட்டதுக்கு, நாலு பேர சேத்துக்குங்கனு சும்மாவா சொன்னாங்க !!!

நான் அழைக்கும் நால்வர்:

செல்வி ஷங்கர் / சீனா
ராமலக்ஷ்மி
மின்னல்
நாகு

உங்களால் எத்தனை வலைமொழி எழுதமுடியுமோ எழுதுங்கள். தலைப்பில் 'பழமொழி வலைமொழி' வருமாறு பார்த்துக் கொண்டால் சிறப்பு.

அனைவரின் ஆதரவுக்கும் மிக்க நன்றி.