Showing posts with label கோலம். Show all posts
Showing posts with label கோலம். Show all posts

Tuesday, January 20, 2009

துளித் துளியாய்: 5 - கலையாக கோலங்கள்


Photo: webshots.com

விடிந்தும் விடியாத
கருக்கல் வேளையிலே,
வளைந்தும் நெளிந்தும்
வரிவரியாய் கோலங்கள்.

தள்ளித் தள்ளி வைத்து
புள்ளிகளை இடிக்காமல்,
அள்ளி அள்ளி தொடர
பிறந்திடும் அற்புதங்கள்.

சுவாசத்தின் ஊடே
எண்ணத்தில் முளைத்து,
வாசலை நிறைக்கும்
வண்ணப் பூக்கள்.

மாக்கோலக் வரிசையிலே
எறும்புகளின் அணிவகுப்பு,
பூக்கோல வரிசையிலே
வண்டுக்களின் ஏமாற்றம் !

புள்ளி வைத்துக் கோலமிட
சொல்லி வைத்தார் போல்,
கச்சிதமாய் எப்புறமும்
கலையாக(க்) கோலங்கள்.

அச்சம் தவிர்த்து, தெருவில்
ஆட்களை புறம்தள்ளி,
கூச்சமும் தவிர்த்து, பெண்களை
மகிழ்விக்கும் கோலங்கள்.

அனுதினம் காலையில்
அலங்கரித்த கோலங்கள் அன்று,
பண்டிகை நாள்மட்டும்
பிறந்திடும் கோலங்கள் இன்று !!!